~¤ô¦¦§¦¦ô¤~ منتدى الدراغون ~¤ô¦¦§¦¦ô¤~



 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 تغطيه مباراة الاهلي المصري و انجم الساحلي التونسي ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
john cena
مشرف قسم المصارعة
مشرف قسم المصارعة
avatar

عدد الرسائل : 1033
العمر : 22
تاريخ التسجيل : 09/09/2007

مُساهمةموضوع: تغطيه مباراة الاهلي المصري و انجم الساحلي التونسي ..   السبت نوفمبر 10, 2007 3:12 am

هزيمة بالضربة القاضية للنادي الاهلي

من النجم الساحلي

الاهلي اتغر ففاز النجم الساحلي

الاهلي بدأ بتشكيلة دفاعية ففاز النجم الساحلي

الحكم جامل النجم في الهدف الاول فخسر النادي الاهلي

نعم هي الحقيقة وواقع الحياة ومنطق الكرة ( الكورة مكسب وخسارة )

نعم فاز النجم الساحلي

ويستحق شباب النجم الساحلي منا كل التحية والتقدير

ولكني اريد ايضاح الامر بعض الشىء عليكم

الاهلي لعب بتشكيلة دفاعية محكمة

لمنع دخول مرماه هدف مباغت يدخله في حسبة برما

لعب الاهلي بتشكيل

الحضري - النحاس-شادي-احمد السيد- اسلام الشاطر - علامة التعجب الكبري جيلبرتو - انيس بوجلبان- حسام عاشور -محمد ابو تريكة- راسي حربة فلافيو وعماد متعب

واعلم تماماً ان الصحافة المصرية ستذبح الاهلي في الجرائد والفضائيات

نعم هو واقع مرير

وانا الان اكتب ليس بصفتي مشجع اهلاوي ولا بصفتي مصري ولكن بصفتي محللاً لما جري من احداث


حضور وحشد جماهيري في استاد القاهرة ( اللي عملنا عليه ازمة وكانما استاد القاهرة هوا اللي هيجيبلنا الكاس )

دعم غير عادي من جماهير مصر

جمهور الاسماعيلي والزمالك والترسانة والاتحاد وكل مصري

الاهلي اضاع فرحة 75 مليون مواطن مصري

سيجعلهم يتوسدون الحزن اياماً وايام

الاهلي دفع ثمن غرور مدربه جوزيه

الذي دفع بجيلبرتو وهوا ده علامة استفهامي

جيلبرتو ملعبش ماتش الذهاب في سوسة بحجة الاصابة واكد الاطباء انه موهوم

وملعبش ماتش الاسماعيلي اللي هوا اخر بروفة استعداد للاهلي لمواجهة النجم الساحلي

وراح جوزيه كالمعتاد راهن عليه وحطه اساسي علي حساب احمد شديد قناوي

جوزيه دفع تمن غلطاته المتكررة بانه مدفعش باسامة حسني من بعد الهدف الاول بتاع النجم الساحلي

فلافيو مكانش موفق النهارده مكانش في يومه

الاهلي خسر بسبب تعنت جوزيه علي فلافيو ومتعب الغير موفقين
وهنا وعاوز اقف شوية عند متعب

متعب حظه وحش جداً ومبيجيبش اجوال وبقالك 5 ماتشات بتحطه احتياطي وفلافيو اساسي

يقوم السيد جوزيه حاطه اساسي في ماتش مهم

الحضري : مفيش حد يلومه الا في الجول التالت اللي كان من الممكن انه يصده

اقسم لكم بالله ان في مصر بحالها مكانش في صوت طول الاسبوعين اللي فاتوا يفوق صوت ماتش الاهلي

واتحاد الكورة قال احنا تحت امر الزعيم

الاهلي اتحجج بالاستاد ودي اول حاجة حسستني ان الاهلي هيتغلب الماتش كان كده او كده هيتلعب

فمش هتفرق في استاد القاهرة

في استاد الكلية الحربية

مش مهم

المهم انه يتلعب والاهلي يجيب البطولة وخلاص


الاهلي دفع تمن الارهاق والاجهاد

الاهلي دفع تمن انه بقاله 4 سنين مداقش طعم الراحة

الاعلام كان ليه دور

حسسونا ان الماتش منتهي من قبل ما يتلعب


وان الاهلي فاز وطالع علي اليابان

نعم الاهلي خسر والنجم كسب

النجم كسب حاجتين في غاية الاهمية

لاعبيه الشباب

ودي نقطة مهمة

الاهلي مش هيترحم بسبب كبر سن لاعبيه وبسبب ان جوزيه استغني عن الشباب كلهم
او وداهم اعارات

يعني من الاخر اعتمد علي الجاهز

وهنا دور ادارة الاهلي : لازم تقعدوا وتتكلموا مع جوزيه وتتحايلوا عليه

الكبار مش هيدوموا الصغيرين لازم يتعودوا وياخدوا الخبرة

النجم الساحلي لعب مهاجم

وقدر طبعاً يكشف الفراغات اللي خلفها جيلبرتو والشاطر واحمد السيد

بداية المباراة سجال بين الفريقين

تفوق اهلاوي

وسرعة تونسية

بمعني اوضح خبرة اوصاد شباب

النجم يستحق الفوز بالبطولة دون شك

لكن الهدف الاول

بتاع النجم الساحلي محتاج منا لتوقف شوية

الحكم كان مع النجم الساحلي قلباً وقالباً

اداهم انذارات

مدهمش طرد

ادي عماد النحاس طرد غير مستحق

حسبلهم فاولات

محسبلناش بلنتيين

طلع هدف ابو تريكة تسلل مع انه صحيح

واحتسب هدف النجم الساحلي مع انه تسلل

النجم يستحق الاشادة

والاهلي كمان يستحق الاشادة والملامة

الاشادة انهم لعبوا ووصلوا للنهائي وكانوا اقرب للفوز لولا الظروف التحكيمية

والملامة انه من بعد الهدف التاني المشكوك بعض الشىء في صحته

استسلم من بعده والمعلقين كلهم

الماتش خلص الماتش خلص

الحكم حسب 5 دقايق وقت بدل ضايع

علي الرغم من ان الوقت بدل الضايع 14 دقيقة بالظبط

الاهلي انكسر بعد طرد عماد النحاس

مفروض ان جوزيه كان يهاجم

لاء زود الطينة بلة

وراح منزل احمد صديق البعيد عن المشاركات بسببه
( اسالوا جوزيه )

بعد ما لقيت الاهلي متعادل

1-1

نتيجة مشكوك في صحتها طبعاً تعطي تأشيرة التأهل لليابان لفريق النجم

ويبقي الاهلي لحين الانتهاء من البطولة القادمة

المهم

قلت اكيد ان الاهلي هيهاجم

بكل صفوفه

مستبعدش انه يسحب مدافعينه وينزل مهاجمين

ولكن حدث العكس

انكمش الاهلي

وضغط النجم

الاهلي كان بحاجة لتلك الخسارة

لكي يأخذ فرصة لالتقاط الانفاس

همسة صغيرة للاعلام المصري : ارجوووووووووووووووووووووكم اتوسل اليكم متكبروش المسائل

مش لازم التهليل والتكبير

الاعلام احد اسباب خسارة الاهلي النهارده

وقفة اخيرة

قلت في اول موضوعي

الكورة مكسب وخسارة

والخسارة ليست نهاية المطاف

والاهلي لن يقف عند بطولة

وان شاء الله

نعيد تكرار ما بداناه قبل 3 اعوام

باننا نروح كاس العالم تاني

لكن بشباب وليس بشيوخ

النجم الساحلي مبروك الفوز علي البطل بالغش

الاهلي : هارد لك يا بطل وننتظر منك مستوي افضل في بطولة افريقيا الجاية وتثأر لهزيمة اليوم

وانك تفوز

وانك تبتدي تبص لقطاع الناشئين اللي بيتصرف عليه ملايين

الحكم : حسبي الله ونعم الوكيل فيك اهديت الفوز للنجم دون استحقاق

الاتحاد الافريقي: همسة بسيطة هاتوا حكام من اوروبا لمباريات نصف النهائي والنهائي

لان حكام افريقيا متحيزين


مقالة طويلة

معلش كتبتها بايدي

وهارد لك للاهلي

_________________


لمراسلتى على الياهو modey_995@yahoo.com

لماراسلتى على الهوت ميل modey_995@yahoo.com



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dragon.briceboard.com/index.htm
john cena
مشرف قسم المصارعة
مشرف قسم المصارعة
avatar

عدد الرسائل : 1033
العمر : 22
تاريخ التسجيل : 09/09/2007

مُساهمةموضوع: رد: تغطيه مباراة الاهلي المصري و انجم الساحلي التونسي ..   السبت نوفمبر 10, 2007 3:13 am

مستنى الردود

_________________


لمراسلتى على الياهو modey_995@yahoo.com

لماراسلتى على الهوت ميل modey_995@yahoo.com



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dragon.briceboard.com/index.htm
.::* صقر*:*الاسلام *::.
المدير العام
المدير العام
avatar

عدد الرسائل : 1423
تاريخ التسجيل : 12/04/2007

مُساهمةموضوع: رد: تغطيه مباراة الاهلي المصري و انجم الساحلي التونسي ..   الأربعاء نوفمبر 14, 2007 8:10 pm

الاهلى اتظلم و كل العالم عارف كده ضربتين جزاااااااء اتظلمنا فيهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dragon.briceboard.com
رؤى الحلوة
مشرفة عامة
مشرفة عامة
avatar

عدد الرسائل : 1379
تاريخ التسجيل : 14/09/2007

مُساهمةموضوع: رد: تغطيه مباراة الاهلي المصري و انجم الساحلي التونسي ..   الخميس نوفمبر 22, 2007 7:08 pm

الأهلي ضعييييييييييييييييف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تغطيه مباراة الاهلي المصري و انجم الساحلي التونسي ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~¤ô¦¦§¦¦ô¤~ منتدى الدراغون ~¤ô¦¦§¦¦ô¤~ :: المنتديات العامة :: القسم الرياضى-
انتقل الى: